婚紗篇 - Blossom Wedding

旁晚再去Blossom Wedding, 一入門口已經好大陣煙味。 佢哋有賣美國牌子婚紗，不過因為個鼻比D煙味攻得太辛苦，所以無再睇。

婚紗篇 - Scent of Bride

去完Trinity Bridal再去 Scent of Bride, 原因係呢間婚紗鋪係屬於一個十大攝影師既。 反正想睇睇埋呢個攝影師既相。

不過睇唔啱。

婚紗篇 - Trinity Bridal

下午去中環Trinity Bridal試婚紗， 試過Reem Arca既婚紗同Romona Keveza既婚紗晚裝一樣好靚。本人覺得Reem Arca略為優勝，青春得來cutting又靚。 由其是件Ball Gown, 真係成個公主一樣。

婚紗篇 - Designer Bridal Room (Part 1)

今日一早10點黎到中環Designer Bridal Room, 佢哋係專賣婚紗，無得租既。

由於之前睇過10間8間婚紗店，大約知自己想要咩款色。今日試左3件，都啱心。而且見佢carry好多歐州、美國等共15個牌子，應該點都找到適合自己既婚紗， 所以決定響呢間買。James見我3件都啱，就俾左$5000HKD入會費。

一生人著一次婚紗，點都希望揀到件9成9鍾意既先買啦。都俾完錢，咪慢慢諗下自己鍾意邊一件先confirm做邊件。但佢哋每個星期都會打電話黎話 ：“遲D無0甘多款架喇 .... 遲D加價喇... 好多款俾人買晒啦..." 等等。咦? 我係訂做架嘛，關俾人買晒咩事呢?

其實呢篇文章係我響11月12日backdate寫返既。由10月19日第一次響呢間鋪試衫，到俾入會費，到俾完錢後service 同態度同面口180度唔同晒。 講真，到今日我都有點擔心呢間唔知係咪黑店。